Brikena Metaj –Rreth 200 gr tritol është vendosur në banesën e Adem Selimit, në Lazarat. Gazeta Shqiptare mëson se lënda plasëse është vendosur në dyshemenë e katit të dytë të banesës.
Shpërthimi ka shkaktuar shembjen e dyshemesë duke krijuar një gropë rreth 30 centimetra si dhe ka shkaktuar dëme të shumta materiale duke prishur dyer e dritare dhe pothuajse të gjitha mobiliet brenda rrezes së shpërthimit.
Ngjarja ndodhi rreth orës 02:30 të së enjtes.
Adem Selimi është e babait të një prej të dënuarve nga fshati Lazarat për vrasjen e efektivit të RENEA-s, Ibrahim Basha.
Klodian Selimi, djali i Adem Selimit, është dënuar 13 vjet burg. Ai është një nga të pandehurit që bashkëpunoi me Prokurorinë për zbardhjen e ngjarjes, ku humbi jetën oficeri i RENEA-s.
